Monday , August 19 2019
Home / Latest Articles / Од последна до четврта позиција за Стефановски на Мизано

Од последна до четврта позиција за Стефановски на Мизано

Овој викенд на патеката Мизано се одржува втората рунда од TCR Италија

Игор Стефановски заедно со неговиот Stefanovski Racing тим овој викенд го започнуваат нивниот настап во Националниот шампионат TCR Италија. Поради проблеми со автомобилот Cupra TCR на квалификациите, Стефановски не успеа да се квалификува подобро од 16-тата позиција од 16 возачи.

Иако стартуваше последен, Стефановски со агресивно и точно возење успеа да се пробие до четвртата позиција во првата трка, завршувајќи за четири секунди позади победникот Марко Пелегрини (Hyundai). На втората позиција заврши Енрико Бетера (Audi), додека последното место на подиумот го освои Ерик Скалвини во Cupra.

Позади Стефановски на петтата позиција заврши Матео Бергонзини, пред Феликс Вимер, Петер Грос, Давид Нардили, Матео Греко и Масимилиано Мили.

Ова е добар старт за Стефановски, а очекуваме уште подобри изданија во иднина. Втората трка е на програмата утре од 10:50 часот со директен пренос на фејсбук страницата на TCR Италија.

Check Also

WRC Финска: Танак во водство, неговите тимски колеги во проблеми

Возачот на Toyota От Танак ја зголеми предноста на Рели Финска, но неговите колеги наидоа …

Leave a Reply

Your email address will not be published. Required fields are marked *