Brz Krug
Related Articles
Овој викенд како дел од календарот на Централно Европска Зона се вози првата ридска трка во Косово, насловена како „Ридска Трка Кула“
По тој повод седум Македонски возачи – Димитриј Кимовски, Филип Џуклески, Георгиј Наков, Дејан Манасиев, Александар Стојанов, Бојан Георгиевски и Синиша Станков допатуваа и земаа учество на денешните тренинзи како дел од 35-те пријавени возачи.
На денешните тренинзи најбрзо време имаше Лиридон Календери во автомобил Mitsubishi Lancer EVO 9, со време од 3:18.817, додека гостинот од Унгарија, познатиот возач на Формула Raynard Zytek Ласло Шаш, извози второ време од 3:22.210, а трето време имаше Бардил Каноли во прототип Radicall SR8 LM со време од 3:25.728
Димитриј Кимовски имаше 10-то најбрзо време во генерален пласман со неговиот автомобил Honda Civic Type-R (3:44.142), Џуклески имаше 16-то време, додека Наков, Манасиев, Стојанов, Георгиевски и Станков се најдоа на 26, 28, 30, 33 и 35 време.
Утре на програмата се две трки, кои како збирно време ќе одлучат пласман на возачите.
