Легендарната Opel Astra на Илија Малинковски повторно на тркачките патеки!

Related Articles

TCR: Легендите на туринг натпреварувањата Алан Мену и Габриеле Тарквини, ќе се тркаат со Hyundai i30 N TCR

3 days ago

TCR: Огромно разочарување за Ориола и Неш после дефектите во првата трка во Тајланд

4 days ago

TCR: Роб Хаф запрепастен од перформансите на Хондите во Тајланд

4 days ago

Сега и официјално, легендарната Opel Astra со која се натпреваруваше еден од најдобрите македонски автомобилисти Илија Малинковски, овој викенд ќе биде во рацете на неговиот син  Давид на трката во Кичево, кој изрази посебна желба да го врати овој познат автомобил на тркачките патеки

Но да одиме со ред…

Илија Малинковски влезе во тркачкиот свет со деби настап во 1992, а се натпреваруваше до 2003 година, започнувајќи со автомобил Yugo 65 за подоцна да продолжи со автомобилот Opel Astra GSi Gr.N-2000. На ридски патеки настапи вкупно 41 пати и извојува 34 победи. Тој освои 6 шампионски титули, а во 1997 година се закити и со ЗЛАТНА КАЦИГА. За разлика од ридските патеки, на кружни патеки вкупно настапи на 14 трки и дојде до 13 победи, а освои 4 шампионски титули. Важи за еден од најуспешните македонски автомобилисти, остварувајќи 47 победи на 55 настапи. Освои 10 шампионски титули и 1 златна кацига.

Но од преголема желба, неговиот син Давид направи чекор за оживување на легендарниот автомобил кој беше специјално подготвен кај познатиот тунер Барболини од кој 40% од деловите во моторот се средувани во Модена, каде се произведуваат Ferrari автомобилите.

Поразговаравме малку со неговиот брат Иво кој ни откри некои тајни:

„Одамна му беше желба да го врати автомобилот во возна состојба и така тргна меракот малку по малку. Да, татко ми е една од причините поради тоа што не влечат октаните, но сепак целата иницијатива е од Давид. Желбата за возење му е голема, но за почеток сака да го проба автомобилот, а тоа дали ќе вози понатаму зависи од развојот на автомобилизмот во нашата држава. Ако се случи тоа, Astra-та во иднина може да прерасне во сериозен тркачки автомобил. Ова ќе му биде прво влегување во автомобилот, без никаков тренинг, но сепак ова може да се брои како тренинг. Татко ми беше доста збунет за овој чекор, но исто така и возбуден, можеби повозбуден од Давид бидејќи ќе го види автомобилот повторно да се вози и тоа од неговиот син. Она што сакам да го напоменам како најважно е тоа што ако не беа браќата Делеви од Custom Car, ништо од ова немаше да се случи! Огромна благодарност до нив, бидејќи се најзаслужни што автомобилот е повторно во перфектна состојба. Покрај нив, голема благорнаст имам да изразам и до George Rent a Car, LUX, Винарија Камник, SNKR и Cytrox.“ – изјави братот на Давид, Иво.