Brz Krug
Related Articles
Македонскиот ПСС Рејсинг тим со Виктор Давидовски и Аргентинецот Франко Гиролами, овој викенд гостува на четвртата трка од Европската ТЦР Серија на патеката Норисринг во Германија.
Овој викенд Европската ТЦР Серија ќе го дели викендот со неколку шампионати, меѓу кои и добро познатиот ДТМ шампионат.
Денеска на програмата беа слободните тренинзи на кои Давидовски и Гиролами имаа квалитетни резултати. Во првиот тренинг поради преран прекин Франко Гиролами дојде само до 11 позиција, додека Давидовски имаше 14 време.
Во вториот тренинг работите се променија, со тоа што Гиролами имаше трето време (1:01.274), а Давидовски заостана зад него на четвртата позиција со време од 1:01.368. Најбрзо време имаше Исидоро Калехас со време од 1:01.167.
Квалификациите се на програмата утре од 10:11 часот, додека потоа од 17:40 часот следи првата трка.
