Home / Latest Articles / WRC: Сордо повторно се приклучува на Hyundai во Италија, додека Леб овој викенд во Турција

WRC: Сордо повторно се приклучува на Hyundai во Италија, додека Леб овој викенд во Турција

Шпанскиот возач Дани Сордо по втор пат оваа година ќе настапи за тимот на Hyundai, поточно следниот месец на Рели Италија.

Сордо ќе настапува со третиот фабрички автомобил Hyundai i20 Coupe WRC кој го дели со Себастиен Леб и Крег Брин, заедно со неговите колеги Тиери Невил и От Танак на Рели Италија во Сардинија од 8 до 11 октомври.

Дани Сордо успеа да дојде до победа во Светскиот рели шампионат позади волан на Hyundai минатата година на Рели Италија, а како помош за тоа му дојде откажувањето на управувачкиот систем на сегашниот колега, а тогашниот ривал од Toyota, От Танак.

Шпанецот за прв пат после Рели Мексико во март оваа година, ќе настапи за Корејскиот тим, откако пандемијата од коронавирусот направи пауза во Светскиот рели шампионат. На тоа рели, Сордо мораше да се откаже поради проблеми со моторот на неговиот автомобил.

Досега оваа година, третото седиште на Hyundai беше ротирано за Сордо, Леб и Брин, кој комплетираше 1-2 подиум за тимот позади Танак на Рели Естонија овој месец, додека Леб на кого последен настап му беше Рели Монте Карло, ќе го превземе седиштето овој викенд за Рели Турција.

Hyundai сеуште не објавиле кој возач ќе настапи со третиот автомобил во Белгија на сезонското финале, а тоа можеме да го очекуваме после Рели Турција.

Со четири рунди извозени и уште три до крајот на сезоната, Hyundai води пред Toyota во поредокот кај конструкторите со предност од само пет поени, додека Танак е најдобро пласираниот возач на Корејскиот производител, кој се наоѓа за 13 поени поназад од Себастиен Ожие, водечкиот возач на Toyota, воедно и лидер во генералниот пласман кај возачите.

About vladimir

Check Also

10 брзи прашања за Ана-Марија Таневска, првата Македонска претставничка во брзински мотоциклизам

Разговаравме со 23-годишната Ана-Марија Таневска, млада и перспективна девојка која има огромна љубов кон мотоциклите. …

Leave a Reply

Your email address will not be published. Required fields are marked *