Brz Krug
Related Articles
Како што претходно ве известивме денес беа возени два тренинзи од по 45 минути во кои возачите за прв пат имаа прилика да се запознаат со условите, како и со патеката. Некои од нив имаат искуство на оваа патека, но не и Иџе.
На првиот тест Петер Фулин имаше најбрзо време од 2:01.238, кое го постигна во 10-тиот круг. Младен Лалушиќ од Lein Racing заостануваше за 0.306 секунди, додека како трет најбрз беше Петер Рикли од Rikli Motorsport со заостанување од 0.568 секунди. На првиот тест Стефановски имаше четврто време, а беше поназад од Фулин за 0.765 секунди, додека во топ 5-те заврши Кристјоханес Шрајбер со заостанување од 0.909 секунди. Позади нив завршија Фабио Мота, Андреас Фистер Анет Георги и Бугарскиот возач Пламен Кралев.
Но на вториот тест работите се променија, но и времињата беа симнати. Иако Петер Фулин пак беше најбрз (2:00.639), Стефановски беше веднаш зад него со заостанување од само 0.096. Ако го земеме фактот дека Иџе возеше со 30 килограми повеќе од другите возачи, можеме да бидеме доста задоволни со неговите перформанси иако имаше мали проблеми со автомобилот, кои подоцна беа решени. Позади Стефановски како трет најбрз беше Петер Рикли кој заостана зад Фулин за 0.909 секунди, додека Шрајбер и Лалушиќ ги заокружија топ 5-те. Кралев не успеа да г заврши вторите тренинзи поради механички дефект.
„Како прво и најважно презадоволен сум од позитивната енергија во тимот. Добро сме координирани, но можеме уште подобро. Ова сепак е прв пат што сме како целина, а верувам дека веќе утре ќе бидеме уште подобри. Имавме мали проблеми кои ги решивме, но со оглед на тоа дека сме нов тим функционираме доста добро. Утре на ред се квалификациите и ќе дадеме се од себе за да се квалификуваме на што повисока позиција. Се надевам на најдобро.“ – изјави Стефановски.
Стефановски и останатите возачи кои возат автомобили од VW групацијата ќе мораат да возат со +60кг, што е голема разлика во споредба со двата Honda автомобили на Рикли и Шрајбер. Но сепак останува да поминат квалификациите и да се најде вистинската тактика која носи победи. До утре…
Bravo za celiot tim i Idže, golema podrška za kvalifikaciite i očekuvame podium vo nedela!!!