Brz Krug
Related Articles
На прагот на својата 48 година, Себастиен Леб стана најстариот возач кој бил во водство на трка од WRC шампионатот после доминацијата во петокот.
Сензационалното враќање на 9-кратниот шампион се состоеше од превземаење на водството победувајќи на четири брзински испити денес, правејќи 9.9 секунди предност во самото влегување во хибридната ера позади волан на Ford Puma (M-Sport).
Тој после двата кратки брзински испити во четвртокот вечерта каде заврши позади Ожие на втората позиција и покрај малите проблеми со хибридниот систем, успеа да се докаже себеси и автомобилот дека можат да победуваат.
“Изненаден сум што успеав да победам на првото проаѓање на шејкдаунот. Обично не ми одат баш. Но овој пат како и денес, изгледа дека добро ни оди комуникацијата со автомобилот. Не е некоја голема предност, но пресреќен сум што сум во водство на релито.” – изјави Ожие.
После осмиот брзински испит Леб води пред Ожие за 9.9с додека на третата позиција е Еванс за 22с поназад од водечкиот. Тиери Невил е на четвртата позиција со заостанување од 47.8 секунди пред От Танак со дефицит од 56.7с од Леб.
Едриен Форме и неговиот совозач доживеаа катастрофална незгода од која се спасија без никакви повреди, со огромна заслуга за новиот заштитен кафез кој е воведен оваа сезона, заедно со хибридниот систем. Инаку тие беа четвртопласирани изутринава, на добар пат за борба за првата позиција.
