Home / Latest Articles / WRC: M-Sport потпиша со Лубет за седум рунди во 2022 година

WRC: M-Sport потпиша со Лубет за седум рунди во 2022 година

Британскиот M-Sport потпиша со WRC2 шампионот од 2019 година Пјер-Луис Лубет кој ќе го вози четвртиот автомобил Ford Puma Rally1 како дел од програмата од седум рунди во Светскиот рели шампионат.

24-годишниот Французин е спремен да се врати во највисокиот степен на рели тркање со Британскиот тим после неколку појавувања со приватниот тим на Hyundai 2C Competition во текот на 2020 и 2021 година.

Последното издание на Лубет во WRC беше на Рели Акрополис во Грција минатиот септември, пред да се повлече од Рели Шпанија поради скршен колк, во незгода во која беше удрен од автомобил на улица.

Негови најдобри резултати досега се две седми места во Сардинија и Естонија минатата година. Тој оваа година ќе се појави на Рели Хрватска, Португалија, Сардинија, Естонија, Финска, Грција Шпанија и рунда која сеуште не е потврдена.

Лубет не е непознат за тимот на M-Sport бидејќи се натпреваруваше во WRC2 кампања за нив во 2017 година, пред да ја освои титулата во WRC2 во 2019 година позади волан на приватна Skoda.

About vladimir

Check Also

MotoGP Катар: Првата пол позиција за Хорхе Мартин

Возачот на Pramac Ducati Хорхе Мартин дојде до првата пол позиција на стартот од оваа …

Leave a Reply

Your email address will not be published. Required fields are marked *